PROM’ART: tetikasan’ny ministeran’ny Serasera sy ny Kolontsaina ho tantsoroka hampivoarana sy hampitomboana Lenta

  • 2 mars 2024
Mahavelona ary afaka andraharahana tsara ny tontolon’ny Kolontsaina. Toy ny asa fandraharahana rehetra anefa dia Ilaina fahaiza-manao sy fanarahana tari-dalana mazava izany. Noho izany indrindra no nametrahan’ny ministeran’ny Serasera sy ny Kolontsaina tamin’ny alalan’ny fitaleavana misahana ny zava-kanto sy ny fanapariahana ny zava-kanto artistique (DAPA) ny tetikasa PROM’ART ho tantsoroka amin’ny hampivoarana sy hampitomboana lenta : na ireo mpanakanto na ireo Lanto izay vokarina eto amintsika.
Tafiditra ao anatin’ny tetikasa ny fampiofanana ireo mpiantsehatra amin’ny zava-kanto ara-kolontsaina toy ny mpihira, ny mpandihy, ny mpikabary, ny mpanoratra, ny mpanao hosodoko, sns…, izay natao tao amin’ny tranoben’ny Serasera sy ny Kolontsaina ao Antsirabe, renivohitry ny faritra Vakinankaratra. Ny CENTRE na Centré d’Exellence en Entrepreneuriat no nanofana mahakasika ny fandraharahana ara-kolontsaina izay nizarana indrindra ny mahakasika ny fahaizana mitatan-bola, ny fampivoarana ny maha olona, ny tontolon’ny varotra sy ny fampiasana fitaovan-tserasera mifanaraka amin’ny teknolojia ara-dizitaly sy teknolojia misy ankehitriny, ny zo tokony hananan’ny mpanakanto, sns.
Taorian’ny fanohanana dia nisy fizarana “attestation” na mari-pahavitan’ny fiofanana ho an’ireo mpandraharaha ara- kolontsaina nahazo fiofanana. Ny tetikasa PROM’ART dia iaraha miombon’antoka amin’ny UNESCO izay mbola hitohy any amin’ny faritra hafa manerana ny nosy.
Partagez :
Mahandry