Minisiteran’ny Fitaterana sy ny Famantarana ny toetr’andro : mitana anjara toerana lehibe amin’ny firindran’ny toetr’andro ny ala

  • 2 mars 2024

Mpiasan’ny minisiteran’ny Fitaterana sy ny Famantarana ny Toetr’andro (MTM) sy avy amin’ireo ratsa-mangaikan’ny minisiteran’ny Fitaterana no namboly hazo 1.500 fototra tany Tsinjony. Ny minisitry ny Fitaterana sy ny Famantarana ny Toetr’andro, Ramonjavelo Valéry sy ireo mpiara-miasa aminy no nitarika izany. Mpiasa manodidina ny 1.000 eo no tonga namboly hazo avy amin’ny MTM sy avy amin’ireo ratsa-mangaika SY “Concessionnaires” izay nahitana ny ATT, ACM, APMF, ASECNA, ENEAM, SOFITRANS, SPAT, MÉTÉOROLOGIE, SMMC, MADARAIL, ADEMA.

Nanambara ny Minisitra, fa :  » amin’izao fiovaovana sy fikorantanan’ny toetr’andro izao dia zava-dehibe izao fambolen-kazo izao noho ny faharavan’ny ala voajanahary eto Madagasikara. Isan’ny mitana anjara toerana lehibe amin’ny firindran’ny toetr’andro ny ala ka izany no mahatonga ny Fanjakana manao ezaka amin’ny fambolen-kazo. Manentana antsika rehetra hamboly hazo noho izany. Nosafidiana ny hazo Acacia hovelana noho ny tombontsoa azo avy aminy ».

Ankoatra izay dia misy fiatraikany amin’ny fitaterana ny fiovaovan’ny toetr’andro. Rehefa fitoam-pahavaratra tahaka izao dia miakatra ny rano, miteraka fahatapan’ny lalana sy fiatoan’ny fifamoivoizana an-dalamby vokatry ny fihotsahan’ny tany. Mety hiato ihany koa ny fitaterana an-habakaba sy an-dranomasina.

Partagez :
Mahandry